Kwa maombi ya kazi, Bofya hapa
Imeonekana wazi kuwa Barcelona wako tayari kumuuza Frenkie de Jong kwa klabu ya Chelsea endapo wanaweza kutimiza matakwa yao.
Manchester United ndiyo ilikuwa timu pekee iliyoonyesha nia ya dhati kwa de Jong, lakini Chelsea sasa wana kibali cha meneja Thomas Tuchel kuanzisha mazungumzo ya kumnunua de Jong.
Baada ya kutangaza nia yao mwishoni mwa wiki, Chelsea sasa wamefungua mazungumzo rasmi na Barcelona.
Klabu ya Barcelona wanataka angalau pauni 80m kwa de Jong, sio siri kuwa Barcelona pia wana nia ya kuwanunua wachezaji wa Chelsea Marcos Alonso na Cesar Azpilicueta, jambo ambalo Wanablues wanatumai kuwa litawasaidia katika mazungumzo.
Joan Laporta hatakubali kujumuishwa moja kwa moja kwenye dili la de Jong, kwani hilo litakuwa na manufaa kidogo kwao katika suala la kukidhi viwango vya mishahara ya La Liga.
Ikiwa Chelsea inaweza kukidhi matakwa ya Barcelona, basi itabidi wafanikiwe pale United ilishindwa kuafikiana na Barcelona.
Tuchel bado lazima amshawishi de Jong kuungana na klabu ya Chelsea, kwani uamuzi huo itasaidia Chelsea inaweza kubeba taji ya Ligi ya Mabingwa.
Frenkie de Jong ni mchezaji wa soka wa Uholanzi ambaye anacheza kama kiungo wa klabu ya La Liga ya Barcelona na timu ya taifa ya Uholanzi.
Kiungo mahiri, anasifika kwa pasi, chenga, ufundi wake wa kandanda uwanjani pamoja na uwezo mkubwa wa ulinzi na umahiri wa kushambulia.
0 Comments