Ticker

6/recent/ticker-posts

Manchester United: Thomas Strakosha Kurithi Mikoba ya Dean Henderson.

MANCHESTER UNITED wanajiandaa kumsajili kipa Thomas Strakosha kuchukua nafasi ya Dean Henderson.

Wakati huo huo meneja Erik ten Hag anataka kupata pigo mara mbili kwa klabu yake ya zamani ya Ajax.

United wamepandisha ofa yao kwa mlinzi wa klabu hiyo ya Uholanzi Lisandro Martinez hadi pauni milioni 42.5 na pia wanataka kuteka nyara mpango wa Ajax kumrejesha mshambuliaji wa RB Leipzig Brian Brobbey Amsterdam.

Uongozi wa United ulikuwa na nia ya kumleta Pau Torres wa Villarreal Old Trafford kama beki wa kati wa klabu hiyo anayetumia mguu wa kushoto.

Hata hivyo, baada ya kusikiliza maoni ya Ten Hag inasemekana walimchagua mchezaji wa kimataifa wa Argentina Martinez.

Kwingineko, United wamekubali sehemu kubwa ya mkataba wao wa kumnunua mchezaji wa Barcelona Frenkie de Jong, kulingana na ripoti.

Soma Pia | Simba kuweka kambi Misri kwa Maandalizi ya msimu Ujao

Chelsea ilisemekana kutaka kuteka nyara dili la United kwa De Jong, lakini Mholanzi huyo anaripotiwa kuweka wazi kuwa anapendelea kuhamia Old Trafford.

IN: Tyrell Malacia

OUT: Paul Pogba (ameachiliwa), Juan Mata (ameachiliwa), Jesse Lingard (ameachiliwa), Nemanja Matic (Roma), Edinson Cavani (ameachiliwa), Lee Grant (ameachiliwa), D'Mani Mellor (ameachiliwa), Reece Devine (ametolewa ), Paul McShane (ameachiliwa), Connor Stanley (ameachiliwa), Paul Woolston (ameachiliwa)

Post a Comment

0 Comments