Lisandro Martinez Akamilisha Usajili Manchester United

Lisandro Martinez amekamilisha  rasmi usajili wake kutoka Ajax kwenda Manchester United, na kufanikiwa kusaini mkataba  utakao mwezesha kuwepo old traford hadi Juni 2027, huku kukiwa na kipengele cha yeye kuongeza mwaka zaidi.

Man Utd walithibitisha Julai 17 kuwa wamefikia makubaliano na mabingwa hao wa Uholanzi na kwamba beki huyo atafanyiwa vipimo vya afya na kukamilisha maslahi binafsi, huku pia akihitajika kupata vibali vya kufanyia kazi Uingereza.

Martinez aliwasili kwenye uwanja wa mazoezi wa Man Utd Carrington pamoja na mchezaji mwenzake  Christian Eriksen Siku ya Jumanne, na klabu hiyo imethibitisha hii leo kwamba uhamisho wa Muargentina huyo kwenda Old Trafford sasa umekamilika.

Beki huyo wa kimataifa wa Argentina amecheza mechi 177 katika klabu yake ya Ajax.

Ameshinda mataji mengi, ikiwa ni pamoja na taji la Copa America 2021 akiwa na timu ya taifa na mataji mawili ya Eredivisie akiwa na Ajax.

Lisandro Martinez akihojiwa kwa mara ya kwanza tangu ajiunge na United amsema: "Ni heshima kubwa kwangu kujiunga na klabu hii. Nimejituma sana hadi kufika hapa,na kwa kuwa sasa niko hapa, nitajituma zaidi.

"Nimekuwa na bahati ya kuwa katika sehemu ya timu zilizofanikiwa katika maisha yangu na hilo ndilo ninalotaka kuendelea nalo hapa Manchester United. Kutakuwa na kazi ya ziada kufika  hatua hiyo, lakini ninaamini kabisa kwamba, chini ya meneja huyu na makocha, kwa pamoja na wachezaji wenzangu, tunaweza kufanikiwa.

“Napenda kuwashukuru Ajax na mashabiki wao kwa sapoti waliyonipa. Nilikuwa na wakati mzuri sana nilipo kuwa nao lakini nahisi sasa ni wakati wa kujaribu kile nilicho kifanya nikiwa huko kukifanya katika mazingira mapya. Sasa niko kwenye klabu bora kufanya hivyo.”

Mkurugenzi wa soka wa Manchester United bwana john Murtough aliongeza kwa, kusema: “Lisandro ni mchezaji bora ambaye ataleta ubora na uzoefu zaidi kwenye kikosi cha Erik [Ten Hag].

"Tunafuraha kwamba amechagua kujiunga Manchester United na tunatarajia kumuona akiendelea mbele zaidi na kuisaidia timu kufikia mafanikio tunayolenga."